DAVAO CITY – Padayon nga gi-imbestigahan ang dose ka mga construction workers human nga wala gilayon mapakita ug legal nga mga dokumento sa gipahigayon nga Oplan Bulabog sa Davao City Police Office (DCPO) ug Task Force Davao.
Gikompirma mismo ni Police Senior Inspector Noel Villahermosa, hepe sa Sasa PNP nga nagpahigayon sila ug sila ug Oplan Bulabog sa pagpakipag-alayon sa Davao City Police Office, Police Supt. Jed Clamor sa RTU – Eleven, kauban ang Task Force Davao sa pangunguna ni Col. Irwin Bernard Neri, ang TFDavao Commander, ug Sasa PNP sa pagpanguna ni Police Senior Inspector Noel Villahermosa.
Nasayran nga dunay intelligence information ang mga otoridad nga dunay duha ka mga bomb expert ug mga sinaligan ni Abu Sayyaf leader ug giila nga Emer sa ISIS sa Mindanao Isnelon Hapilon nga nia sa sumala pa sa Davao, partikular na sa Doña Mercedez, Panacan ug kalakip sa mga pinangita.
Kini ang usa sa mga hinongdan nga gipahigayon ang Oplan Bulabog kagabii isip tipik sa gipatuman nga saisenta ka adlaw nga martial law sa Mindanao ug dakbayan sa Davao, diin 12 ka mga undocumented nga mga dayo ang ilang gidapit ug gipa-ilalum sa profiling human mapakyas sa pagpresenta ug legal nga dokumento nga sarang nga mopaila sa ilang pagka-tawao, ug mopamatuod nga sila mga lehitimong mga trabahante dinhi sa dakbayan.
Kahinumduman nga kalakip sa gi-imbitahan ang nga dayo nga residente sa Basilan nga sila si Muktar Isalod, ug usa ka Madsmar Abdurakman nga mi-angkon nga usa ug tunga ka bulan pa lamang sila dinhi sa dakbayan.
Human mapa-ilalum sa profiling, gipanghatud ra sab sa Davao City Police Office sa ilang pinoy-anan ang mga natungdan.
Gikopima sab ni PSI Villahermosa nga nga molusad sab sila ug pagsusi sa construction firm nga gi-trabaho-an sa mga suspek aron nga masuta ang ilang pagka-lihitimo.
Padayon ang profiling ug background checking sa mga construction workers aron nga maseguro nga dili sila mga sakop sa Maute Terrorist Group nga nagpaka-aaron ingnon lamang nga mga trabahante sa construction company sa dakbayan.
