Patay ang anaa sa dose ka indibidual samtang 65 ang gikatahong namissing human ang managlahing insidente sa halapad nga baha ug pagdahili sa yuta tungod sa kusog nga pag-ulan sa Nepal niadtong milabayng semana.
Sumala pa ni Basant Kumar Sharma, tigpamaba sa district police nga pito ka miyembro sa usa ka pamilya ug tulo ka uban pang indibidul ang namatay sa pagdahili sa yuta Sa may Pkhara sa Kaski District, samtang usa pa ka laing indibidual ang namatay sa Madi Rural Municipality sa maong distrito.
Samtang 65 ka mha pasahero ang missing lamang gihapon tungod kay nadala sa midahiling yuta ang duha ka bus nga nahitabo sa distrito sa Chitwan sa Mugling- NArayanghat stretch sa usa ka highway nga nagasumpay sa Kathmandu sa uban pang bahin sa nasud.
Usa sa maon bus ang adunay sakay nga 24 ka pasahero ang padulong sa Kathmandu gikan sa Birguni, samtang ang usa pa ang adunay sakay nga 24 ka pasahero nga padulong unta sa Kathmandu gikan sa Birgunj, samtang usa usab ang adunay sakay nga 41 ka mga pasahero nga padulong sa Gaur sa distrito sa Rautahat gikan sa Kathmandu.
Sa usa pa ka insidente, usa ka driver sa usa pa ka bus ang nakabsan human kining naigo sa nahulog nga dakong bato sa Chitwan sa susamang highway.
Nagmando na usab ang Prime Minister sa Nepal nga si Pushpa Kamal Dahal nga pa paspason ang paningkamot nga pagluwas sa mga tawo.
Ang mga pagbaha, mudslide ug pagdahili sa yuta ang tungod sa kusog nga ulan nga kasagaran ng nasinatian sa Nepal sa panahon sa ting-ulan nga kasagaran molungtad gikan sa tunga-tunga sa Hunyo hangtod sa unang bahin sa Oktubre
