DAVAO CITY – Luwas ug anaa sa maayo ang kahimtang sa usa ka 12 anyos nga babaye human kini nabangaan ug motorsiklo samtang mitabok sa dalan sa Purok Orchids Barangay Paquibato Proper, Paquibato District ning dakbayan.
Gilayon nga miresponde sa lugar ang mga sakop sa Revitalized Pulis Sa Barangay (R-PSB) Team Paquibato Sub-Cluster 1 diin nalambigit sumala pa sa maong aksidente ang usa ka motorsiklo.
Gikanayong samtang nagmaneho sa iyang motorsiklo si Abdilla B. Intora, 14 anyos, residente sa Barangay Pañalum, Paquibato District, nabanggaan niini ang biktima nga nailang si Joriza Babes Suminguit, 12 anyos, residente sa Purok Pag-asa, Barangay Paquibato Proper, Paquibato District kinsa mitabok kini sa Purok Orchids road gumikan kay namaligya kini ug popcorn.
Nakaangkon sumala pa ang biktima ug multiple minor abrasions sa iyang kalawasan hinungdan nga dali kini nga gidala sa balay tambalanan sa Panabo Hospital alang sa laboratory examinations ug treatment.
Gi-endorso sab dayon ang nakabangga sa Paquibato Police Station (PS-7) alang sa dugang imbestigasyon ug sa tukma nga disposisyon.
