DAVAO CITY – Nakadaog isip third place ang 12-anyos ug ang pinakabata nga Arena Grandmaster nga si Christian Gian Karlo Arca sa bag-uhay lang nga gipahigayong 2021 National Age Group Chess Championship ubos sa Boys 12 and under division.
Si Arca naka score og 8.5 points sulod sa 11 rounds sa standard chess nga milungtad og usa ug tunga ka oras. Gitambungan usab sa top junior chess players ang maong torneo.
Kini na sab ang ikatulong dakong kadaugan ni Arca nga usa ka Grade 6 GT Neptune student sa Panabo Central Elementary School SPED Center sa Panabo City, Davao del Norte.
Sumala kang National Chess Federation of the Philippines Assistant Executive Director for Northern and Central Luzon/International Arbiter Reden Cruz, luyo sa cash prize, nadaugan usab ni Arca ang Candidate National Master Title ug duruha ka National Master norms human ang maong kompetisyon.
