DAVAO CITY – Saulogan na ugmang adlawa sa Sasa Wharf, ning dakbayan sa Davao ang ika-119th Anniversary sa Philippine Navy.
Mismong si Pangulong Rodrigo Duterte ang mamahimong pinasidunggan nga mamumulong atol sa maong kasaulogan.
Karong adlawa sab pormal nga i-komisyon ang barkong napalit sa Pilipi nas gikan sa Indonesia nga BRP Davao del Sur, usa kini ka transport ship nga tipik sa modernization program sa Philipine Navy.
Una nang nasayran gikan kang Lr. James Reyes, Public Affairs Officer sa Naval Forces Eastern Mindanao Command nga ang nahisgutan nga barko dunay Augustus Attack Helicopter, duha ka fast craft duha ka mga amphebeous landing vessel, ug duha ka mga transport vessel nga mamahimong makakarga ug baynte ka mga 6 by 6 trucks.
Ang nahisgutan nga sakyanang pandagat dunay sento baynte ka mga tripulante ug mamahimong kasakyan sa mokapin sa kinyentos ka mga tawo.
Ugmang adlawa dunay ipahigayon nga drill ang Philippine Navy nga mopakita sa katakus sa Philippine Navy sa panggubatan ug panahon sa mga kalamidad.
Si PCSO General Manager ret. Gen. Alexander Balutan kalakip sa mga opesyal nga mosaksi sa ika-119 nga kasaulogan sa Philippine Navy.
