Nadakpan sa Davao City Police Office (DCPO) ang 116 ka mga indibidwal ug nakumpiska ang illegal nga droga nga nagkantidad og kapin sa P1.1 milyon.
Sumala ni acting city director Col. Mannan C. Muarip,gilusad ang usa ka semana nga operasyon gikan Marso 1 hangtod Marso 7 diin nakapukos kini sa iligal nga droga, sugal, wanted persons, ug loose firearms.
Kahin sa kampanya batok sa iligal nga droga adunay 39 ka bulag nga anti-drug operations, nga miresulta sa pagkasikop sa 50 ka mga suspetsado. Nakumpiska sa mga otoridad ang 171.20 gramos nga shabu, nga nagkantidad og P1,164,166.80.
Lakip usab ang 67.79 gramos nga marijuana nga nagkantidad og P8,134.
Samtang napatuman usab ang 44 ka warrants ngadto sa 44 ka mga indibidwal, diin 24 niini mao ang labing pinagita sa siyudad.
Samtang sa lima ka operasyon batok sa loose firearms, naaresto ang tulo ka suspetsado, diin nakakuha og duha ka armas samtang napasaka na ang duha ka kaso.
Sa iligal nga sugal adunay Dusi ka mga operasyon ug Disinuybi ang nadakpan.
Nakumpiska usab ang P4,150 nga bet money, ug dusi ka pormal nga kaso ang gi-proseso.
Gumikan niini gipasidunggan ni Muarip ang kalampusan sa mga ginsakpan niini sulod sa usa ka semana tungod sa lig-on nga kolaborasyon sa lokal nga gobyerno ug sa mga opisyales sa barangay.
