DAVAO CITY – Gitimbaya sa 10th Infantry “Agila” Division ang bag-ong set sa mga nangandoy nga mahimong sundalo nga gilangkoban sa 91 kalalakinan ug 21 kababaye atol sa Opening Ceremony ssa Candidate Soldier Course class 741-2022 sa Sgt. Demerin Grandstand, Camp General Manuel T Yan Sr, Mawab, Davao De Oro , kagahapong adlawa , Mayo 31, 2022.
Gikanayaon ni 10ID Assistant Division Commander BGen Allan D Hambala , nga atol sa pagbansay-bansay , ang mga trainees makapalambo sa pisikal nga pagkakusog, mental nga kapasidad , ug maandam sa kalimuhagan, kahanas ug taras aron makahimo og gitakda nga mandato ubos sa mapintas nga palibot.
Ang maong bansay-bansay mulungtad ngadto sa unom ka bulan ug naka programa nga walaon ang civilian mentality ug itudlo alang kanila ang kinaiya ug profesionalismo sa serbisyo militar nga adunay disiplina, pagkamasinugtanon, patriyotismo, dungog ug katungdanan.
