-- ADVERTISEMENT --
Patay ang mukabat sa 111 ka tawo gumikan sa halapad nga pagbaha sa central Nigeria. Gipahayag sa Niger State Emergency Management Agency (NSEMA) nga nahitabo ang pagbaha gumikan sa pipila ka oras nga kusog sa pag-ulan.
Naguba ang 50 ka mga pinuy-anan sa lungsod sa Mokwa ug pipila na usab ka pamilya sa nahisgutang lugar ang gipabalhin.
Samtang gipaneguro usab ni Minister of Information and National Orientation, Mohammed Idris nga ilahang gipalihok ang hinabang sa mga naapektuhang residente.
Gikabalak-an usab sa mga otoridad nga madugangan pa ang ihap sa mga namatay tungod daghan pa ang missing.
