DAVAO CITY – Balhug na karon sa presohan ang 11 ka mga indibidwal nga adunay warrant of arrest nga nasikop sa otoridad atol sa gipahigayon nga simultaneous “Oplan Kalinaw” sa nagkadaiyang areas sa siyudad.
Matud pa kang Davao City Police Office director, Sr. Supt. Alexander Tagum, nga ang sunod-sunod nga operasyon miresulta sa background check ug profiling sa 1,213 ka mga residente, 259 ang wala naka-presenta ug valid ID.
Ang nahisgutan nga operasyon miresulta sa pagkasikop sa 11 ka mga pugante.
Gipahigayon ang joint operation sa areas sa Sta. Ana, (YCF Brgy San Antonio, Davao City); San Pedro (Purok 13, Kasilak Bucana, Brgy., 76-A, Davao City); Talomo (Prk 1-A, Brgy. Magtuod); Sasa (Km.9 Riverside Brgy. Sasa Davao City kilid sa F.Bangoy Elem. School); Buhangin (Purok Baresa, Bajada, Davao City / Back sa SPMC); Bunawan (Purok 16, Brgy. Tibungco, Davao City); Toril (Purok 3 Venus St, Brgy Crossing Bayabas, Toril, Davao City); Tugbok (PS9 – Purok 2 Lanzones St., Brgy. Tugbok); ug Calinan (Sisay Tesoro, Brgy. Talomo River, Calinan, Davao City).
