Malampusong nakagradwar ang 11 ka Persons Deprived of Liberty (PDL) sa Tagum City Jail Male Dormitory (TCJMD) human makompleto ang Alternative Learning System (ALS) niadtong Hunyo 29, 2026.
Sumala pa sa sa mga opisyal, lima sa mga PDL ang nakahuman sa elementarya, samtang unom usab ang nakahuman sa junior high school. Dugang pa niini, nakarekord ang TCJMD og 100 % passing rate ubos sa pagpanguna ni JSupt. Nimrod S. Valenia, Jail Warden, nga nagpakita sa kalampusan sa programa sa edukasyon sulod sa pasilidad.
Lakip sa gipasabot sa mga opisyal, ang ALS naghatag og bag-ong oportunidad sa mga PDL aron mapadayon ang ilang pagtuon ug mapalambo ang ilang kahibalo isip kabahin sa ilang rehabilitasyon ug pag-andam alang sa pagbalik sa komunidad.
Kahinumduman, ang maong programa kabahin sa padayon nga paningkamot sa Bureau of Jail Management and Penology sa paghatag og edukasyon ug ikaduhang higayon sa mga Persons Deprived of Liberty pinaagi sa Alternative Learning System.
