DAVAO CITY – Tingkagol karon sa prisohan ang anaa sa unse ka mga indibidwal gumikan sa gipahigayong One Time Big time Operation (OTBT) sa mga kapulisan sa Talaingod Municipal Police Station.
Sikop ang mga nahisgutan gumikan sa mga nagkadaiyang kaso niini sama na lamang sa Murder, Attempted Murder, Double Attempted Murder, Anti-Trafficking in Person, Violation of RA 9851 ug Violation of 11188. Gibutyag karon sa otoridad nga dili sila magpanukong pangsikopon ang mga indibidwal nga adunay iligal nga binuhatan ingon man ang mga kriminal nga nagpadayon pang gawasnon ning kasamtangan. Nanawagan na lamang ang kapulisan sa publiko nga likayan ang mga iligal nga binuhatan ug gilayong ipahibalo sa ilang buhatan kung ugaling aduna may mga katahapang indibidwal.
