DAVAO CITY – Unse ka mga balay ang naugdaw sa sunog tapad sa Emily Homes Upper Part, Cabanti-an, Buhangin District, ning dakbayan sa Davao alas 3:30 kagahapon sa hapon.
Sumala pa kang Dolores Ardiente, usa sa mga residente sa dapit nga pipila sa mga residente anaa sa pagpangaligo sa dihang miulbo ang sunog.
Gika-ingon nga nagsugod ang sunog sa balay ni Eunie Garson nga wala’y tawo gumikan kay tua sa trabaho gituohan nga nagsugod ang sunog.
Sa kapaspas sa pagsilaob sa sunog halos mga hinalay na lamang nga mga senina ang nahipus sa mga residente.
Kini gumikan kay wala na sila makalugar sa pagsulod pa sa ilang mga balay aron nga manguha sa ilang mga mahinongdanon nga gamit.
Milusad sab dayon ug area mapping ang mga sakop sa City Social Services and Development Office (CSSDO) aron nga kapangandaman ang pagtumod sa mga hinabang sa mga biktima.
