DAVAO CITY – Kanunay ang pahimangno sa mga personahe sa Bureau of Fire Protection (BFP) ngadto sa publiko nga kanunay magbinantayon ug likayan ang mga butang ngfa posibleng tinubdan sa sunog.
Gi-andam na karon ang gikinahanglan nga hinabang alang sa mga naapektohan sa nahitabong pag-ulbo sa sunog kagahapong adlawa sa barangay binugao Toril ning siyudad diin anaa sa kapin 11 ka mga pinuy-anan ug boarding house ang nangaugdaw.
Padayon pa nga gipanubayan sa kabomberohan ang insidente apan subay sa inisyal nga panghitabo, nagluto ug adobo ang usa ka Marivic Agare sa dihang kalit na lamang nga mitalsik ang mantika paingon sa tangke sa LPG.
Gidakop sumala pa sa kalayo ang kurtina diin didto na nagsugod ang pag-ulbo sa kalayo.
Tungod kay gama lamang sa mga light materials ang mga kabalayan sa nahisgutang dapit, paspas kaayo ang pagkaylap sa kalayo.
Hinuon, human ang halos usaka oras gideklara sa mga bomber nga fire out na, apan nagpadayon lamang gihapon ang ilang pagpasirit ug kalayo aron masiguro nga dili na mobalik pa sa pag-ulbo ang kalayo.
Gawas sa linya sa kuryente, sagad sa sumala pa sa mga hinungdan sa sunog ang mga napasagdan nga niluto hinungdan nga mipahimangno ang kabomberohan nga kanunay mag-igmat.
