DAVAO CITY – Gibutyag ni Capt. Jerry Lamosao, tigpamaba sa 10th Infantry Division (ID) Philippine Army nga mas maayo gayud kung magpabilin ang gipatuman nga Martial law sa Mindanao ibali na nga nagpadayon pa karon ang rehabilitasyon sa Marawi.
Tipik lamang ang pahayag sa opisyal nga daghanang progresibong grupo ang padayon nga nanawagan nga mas maayong tapuson na ang balaud militar sa Mindanao nga gipatuman sukad nga miulbo ang kagubot sa Marawi.
Gi-awhag sab ni Lamosao ang mga progresibong grupo nga kung aduna man silay reklamo sa pagpatuman sa Martial law o kung aduna silay natala nga kaso sa pagpangabuso nga binuhatan sa militar, mas maayong iduso nila kini sa korte gumikan kay andam sumala pa sila nga motabang sa pag-assist niini.
Gitataw sab ni Capt. Lamosao nga aduna sumala pay indikasyon nga nagkahinay na karon ang kalihokan sa mga rebelde.
Migamit na lamang sumala pa ang mga nahisgutan ug pipila ka mga sibilyan ingon man mga sakop sa Milisiyang Bayan nga wala pa mibalik sa sabakan sa kagamhanan.
