DAVO CITY – Suportado sa 10th Infantry Division sa Philippine Army ang gilaraw nga mandatory ROTC training alang sa mga kabataan.
Gikanayon ni 10ID Commander Major General Jose Eriel Niembra ang pagkamahinungdanaon sa maong pagbansay tungod dagko ang mamahimong tabang sa pagpasibaw sa patriyotismo alang sa nasud.
Matud pa, usa ka moral nga obligasyon sa matag Pilipino nga panalipdan ang nasud panahon sa gubat, krisis ug katalagaman.
Buot sab nga maitandi kini sa mga mandatory training sa mga nasud nga South Korea ug Israel nga dunay nindot nga pagtamud sa ilang mga ginsakupan.
Ginaawhag sab ni Niembra ang mga kabatan-onan sa bag-ong henerasyon nga musalmot, bisan pa man sa ilahang mga pagduda sa pagpatuman sa programa, aron ilang mabatunan ang katakus nga panalipdan ang nasud sa muabot nga panahon.
via || Bombo LJF
