DAVAO CITY – “Insurgency free na ang tibuok Davao Region.”
Mao kana ang gikumpirma karon sa 10th Infantry Division sa Philippine Army gumikan sa hugot nga pagpakgang sa tanang mga rebeldeng grupo nga nahimuyo sulod sa mga probinsya sa rehiyon.
Sigun pa ni 10ID Spokesperson Captain Mark Anthony Tito, gikinahanglan lang ang opisyal nga deklarasyon gikan sa Regional Peace and Order Council alang sa pagproklama sa Davao Region isip insurgent free.
Nahimong nagmalampuson ang kampanya sa kasundalohan sa pagbuwag sa mga kampo sa mga rebeldeng grupo, lakip na ang pag-awhag sa mga myembro niini nga mutahan na sa gobyerno.
Ulahing kalampusan sa 10ID ang nahitabong engkwentro sa Lupon ug Banaybanay sa Davao Oriental nga gikamatyan sa nabiling mga myembro sa CPP-NPA sa probinsya, sa miaging bulan.
via || Bombo LJ Florendo
