DAVAO CITY – Paningkamutan karon sa lokal nga kagamhanan nga nga makabakuna ug 10,000 ka mga indibidwal matag adlaw aron nga dali na lamang maangkon sa siyudad ang herd immunity ayha pa man matapos ang kasamtangan nga tuig.
Hinuon una ng gibutyag ni Davao City Mayor Inday Sara Duterte-Carpio nga magdepende pa gihapon kini kung bastante ang supply sa bakuna dinhi sa dakbayan.
Kahinumduman nga anaa sa 1.2 million population o 70 percent ang kinahanglan nga mabakunahan aron nga maangkon sa dakbayan ang igong proteksiyon batok sa makamatay nga kagaw.
Laoman nga sa third quarter ning kasamtangan nga tuig, mas daghanang bakuna ang madawat sa dakbayan ug mosaka na sab ang ihap sa mga mabakunahan.
Usa sa mga posibleng bakuna nga moabot ang bakuna nga AstraZeneca ilabi na nga una ng nag-order ang siyudad niini ug 30,000 doses.
