Andam sumala pa nga mutabang ang mukabat sa 100 ka mga pulis ngadto sa mga sakop sa City Transport and Traffic Management Office (CTTMO), aron dumalahon ang dagan sa trapiko, hilabi na sa rush hours, aron nga mahatagan sumala pa og katubagon ang dugay na niining problema sa dakbayan, mao ang bug-at nga dagan sa trapiko.
Sumala pa ni PCapt. Hazel Tuazon, ang tigpamaba sa DCPO, nga ang 100 ka mga pulis maoy gikan ra usab sa sakop sa Traffic Enforcement Unit (TEU).
Lakip na sab niana mao ang mga traffic investigators, nga gikan sa mga nagkadaiyang estasyon sa kapulisan dinhi sa syudad diin gilangkuban sab kini sa ihap sa mga barangay tanod.
Dugang ni Tuazon nga pinaagi sa koordinasyon sa katawhan ug mga opisyal sa barangay, nahimong dali ang pag-assess ug pagtubag sa mga isyu sa trapiko.
Kahinumduman nga gikanayon ni kanhi President Rodrigo Duterte ang panginahanglan labot sa pagdugang og traffic personnel aron nga mahatagan sumala pa og katubagan ang nagkadako ug dugay na nga problema sa trapiko dinhi sa Davao City.
