Mibangga sa poste ang usa ka 10-wheeler truck, pasado alas 2 ang takna sa hapon kagahapon, sa Purok 26, Sitio Upper Lanitom, Brgy. Suawan, Marilog District, ning syudad sa Davao.
Subay sa imbestigasyon sa mga otoridad, giila ang maong driver sa truck nga si Joey Talibod Tan, 24 anyos, diin naglatas sumala pa kini sa dalan nga Davao-Bukidnon National Road gikan sa Bukidnon padulong unta kini sa sentro sa Dakbayan.
Apan, sa dihang nakaagi na kini sa usa ka kurbadang bahin sa maong kalsada, gikaingong nawad-an sumala pa gilayon kini og kontrol, rason nga milahos kini sa pikas linya nga kalsada ug mibangga sa duha ka mga poste.
Atol sab sa maong panghitabo, nalakip sab ang usa ka Innova nga kasugat sa maong truck, diin gikaingong natumbahan kini sa poste, hinungdan nga hilabihan ang pagkabungkag sa tumoy nga bahin sa sakyanan niini.
Hinuon, walay nakabsanng kinabuhi sa maong insidente, apan nakahiagom lamang og mga minor injuries ang parehong mga driver. Dali sab nga gidala sa mga otoridad ngadto sa ilahang buhatan ang driver sa truck, alang sa tukmang disposisyon.
