DAVAO CITY – Gikumpirma ni Davao City Mayor Inday Sara Duterte-Carpio nga 10 ka mga repatriated Overseas Filipino Workers (OFW) nga miabot sa Davao International Airport (DIA) ang nagpositibo sa Covid-19.
Sa nahisgutan sumala pa nga ihap, tulo niini ang naggikan sa Dhaka Bangladesh ug pito ang gikan sa Dubai, United Arab Emirates.
Kahinumduman nga anaa sa 138 OFWs ang gikan sa Dhaka, Bangladesh ug 350 OFWs ang gikan sa Dubai, United Arab Emirates o kinatibuk-ang 488 OFWs ang miabot sa Davao International Airport sa milabay nga semana.
Gitino ni Mayor Indau nga bugtong international repatriation flights lamang ang gidawat dinhi sa siyudad.
Gipasalig sab sumala pa sa lokal nga kagamhanan ang health ug safety protocols sa mga OFWs ug returning overseas Filipinos (ROFs) sa higayon nga moabot kini airport aron nga malikayan ang posibleng pagkatag sa bag-ong COVID-19 variants.
Aduna na sba sumala pay gi-andam ang lokal nga kagamhanan nga 1,078 rooms sa nagkadaiyang hotels aron nga ma-cater ang mga moabot nga mga OFWs ug ROFs.
Giwagtang sab ni Mayor Inday ang kabalaka kalabot sa posibleng pagsaka sa kaso sa COVID-19 cases dungan sa padayon nga pagdawat sa mga repatriates.
