Mipasaka og reklamo ang BPO Industry Employees Network (BIEN) sa Department of Labor and Employment- 7 batok sa mga kompanyang pugsanong gipabalik dayon ang mga call center agents nunot sa mga aftershocks nga nasinatian human mitay-og ang magnitude 6.9 nga linog.
Nasayrang miabot sa 10 ka mga kompanya ang nahimong malapason sa Occupational Safety and Health Standards (OSHS) human nga duna matud pay mga exit points nga gipangharangan aron di makauli ang ubang empleyado.
Gani, gibaharan sab matud pa ang uban nga suspendihon, tanggalan og sweldo ug incentives o putbolon o di kaha ikonsiderang Absent Without Leave (AWOL) sa higayong buot muuli.
Duna sab matud pa gitanyagan og double pay aron lamang magpabilin sa trabaho ug mudawat og tawag gikan sa mga kliyente.
Apan, dunay mga empleyado ang nagkanayong gipapirma matud pa sila sa memo nga hugtanong dili muistorya sa tinuod nga nahitabo.
Sa eksklusibong pakighinabi sa Star Fm Cebu kang Roberto Cabardo, Regional Labor Information Officer III sa Department of Labor and Employment-7 nga gikinahanglang tumanon ang Labor Advisory sa higayong dunay mga katalagman.
