DAVAO CITY – Nadawat na sa 10 ka mga kanhi entrante sa Bancarera 2018 sa Bombo radyo ang bangka, makina ug kahimanam sa pagpanagat nga na-una nang gisaad kanila ni Special Assistant to the President (SAP) Bong Go pinaagi na usab sa tabang ni DA sec Manny Pinol.
Atol sa selebrasyon sa 55th fish conservation week sa Bureau of Fisheries & Aquatic Resources, pormal na nga giturn-over sa BFAR XI ang nahisgutang mga bangka ngadto sa mga benepisyaryong mananagat.
Dako ang pasalamat sa mga mananagat kang SAP Bong Go sa gihimong pagtabang kanila aron mahilakip sa mga benepisyaryo sa fiber glassboat sanglit aduna na silay magamit nga kapanginabuhian alang sa ilang pamilya.
Sa iyang mensahe gikanayon ni SAP Go nga naglaum siya nga wala nay pamilya nga magutman ug makahuman usab sa pagtungha ang mga anak sa tanang mga mananagat.
Lauman sumala pa ang kanunay nga suporta sa kasamtangang administrasyon sa mga gagmayng mananagat ug mga mag uuma sa rehiyon.
” Sana sa pamamagitan ng mga bangkang ito, maraming ama ang dadaong na masaya tuwing umaga, maraming pamilya ang magkakaroon ng sapat na pagkain samesa, at maraming anak ang makakapagtapos ng pag-aaral. ” ang pahayag ni SAP Bong Go.
Ang mga nakadawat ug bangka ang gilangkuban nila Adnan Pirante, Abdulhamid Catuyo, Norhaden Sucatan, Tanoy Querod, Samer Clam, Moner Clam, Aljed Sapilin, Ritchel Sapilin nga pulos taga-Sirawan Toril, George Cualquera ug Fe Dadang nga taga st. John Bucana ning dakbyan.
