DAVAO CITY – Usa ang patay samtang pito ang nadakpan sa managlahing drug buy bust operationsn sa Pilipphine Drug Enforcement Agency (PDEA-XI) ug sa kapulisan sa managlahing Police Station dinhi sa dakbayan.
Giila ang namatay nga si alyas Amil kinsa misulay sumala pa sa pagsukol sa kapulisan, samtang ang mga nadakpan ang gipang-ila usab nga sila Vincent Calonia, 43 anyos, Michael James Mckenna, 31 anyos, Ramel Labregas, ug Mae Ann Casicnan, 27 anyos.
Malampuson usab nga nasikop ang dugay nang anaa sa wacthlist sa San Pedro PNP nga nailhang si Enrique Abragan, residente sa Brgy. 76-A Bucana diin nakuha gikan sa iyang posisyon ang tulo ka sachet sa shabu, buy-bust money ug lain pang cash nga 1,000 ka pesos nga gitoohang halin sa suspek sa pagpamaligya.
Samtang dakpan usab sa Sasa PNP ang mag-iyaan nga sila Vina Perez,22 anyos, ug Ana Mae Montecillo,18 anyos, susamang nanimuyo sa Sagrada Familia, Km12 Sasa, alas 3:30 sa hapon dihang gilusad ang operasyon sa balay mismo sa mga dinakpan.
Wala usab kaikyas ug nadakpan sa kapulisan si Jerry Jemlanie Saudi alyas Banjo, 25 anyos nga taga-Muslim Village Barangay Ilang ning dakbayan.
Nakuha gikan kaniya ang laing tulo ka sachet sa shabu, 500 pesos nga mark money, cellphone ug motorsiklo.
Tukmang kaso gi-andam na sa PDEA batok sa mga dinakpan.
