DAVAO CITY – Laoman sumala pa nga sa bulan sa Oktubre maablihan na ang 1.6 kilometers flyover sa Daang Maharlika National Highway nga una ng gigahinan ug P2.7 bilyones ka pesos.
Una ng gibutyag ni Tagum City Mayor Allan Rellon nga kini sumala pa ang pinakataas nga flyover alang sa mga motorista nga upat ka tuig nga gitukod.
Mamahimo na kini nga ma-agi-an sa ulahing quarter ning kasamtangan nga tuig isip pagpangandam sa planong re-routing sa mga sakyanan nga molatas sa nahisgutan nga siyudad.
Laoman sab sumala pa nga makompleto ang katukuran niini sa unang quarter sa tuig 2022.
Gawas niini, laoman sab nga masugdan na ang partial operation sa 15 kilometer portion sa Tagum ug Carmen Davao del Norte alang sa 102-kilometer Tagum City – Davao City – Davao del Norte (TDD) line sa Mindanao Railway Project.
Una ng gibutyag sa Department of Transportation (DOTr) nga laoman sumala pa nga makompleto ang tibuok TDD line sa Hunyo 2023.
Kahinumduman nga ang mga estasyon sa mga TDD line ang gilankuban sa Tagum, Carmen, ug Panabo sa Davao del Norte; Mudiang, Maa ug Toril dinhi sa dakbaya ug Sta. Cruz ingon man Digos City sa Davao del Norte.
Dakong tabang ang nahisgutan ngaproyekto aron nga mamahimong ubos na lamang ang biyahe.
