𝟱 𝗸𝗮 𝗺𝗶𝘆𝗲𝗺𝗯𝗿𝗼 𝘀𝗮 𝗡𝗣𝗔, 𝗽𝗮𝘁𝗮𝘆 𝘀𝗮 𝗲𝗻𝗴𝗸𝘄𝗲𝗻𝘁𝗿𝗼 𝘁𝗮𝗹𝗶 𝘀𝗮 𝗺𝗶𝗹𝗶𝘁𝗮𝗿 𝘀𝗮 𝗕𝗮𝗻𝗮𝘆𝗯𝗮𝗻𝗮𝘆, 𝗗𝗮𝘃𝗮𝗼 𝗢𝗿𝗶𝗲𝗻𝘁𝗮𝗹

DAVAO CITY – Mukabat na sa lima ka mga sakop sa rebeldeng New People’s Army ang nakabsan sa kinabuhi human sa nahitabong giyera tali sa sakop sa kasundalohan sa Barangay Mahayahay, Lupon ug Barangay San Vicente, Banaybanay sa Davao Oriental.

Nasayran nga ang maong engkwentro ang nagsugod niadto pang adlaw nga Domingo Setyembre 11 ug 13 human nga nagdeklara og military operation ang pwersa sa kasundalohan.

Naka-atbang sa mga rebeldeng NPA ang mga sakop sa 701st Infantry Brigade sa 10th Infantry Division.

Samtang, giila ang mga napatay nga rebelde nga sila alyas “Buddy”, alyas “Bert”, alyas “Jumong”, alyas “Joshua”, ug alyas “Mando”.

Ang mga nahisgutan ang sakop sa Weakened Guerilla Front 18.

Narekober sa kasundalohan ang usa ka K3 Squad Automatic Weapon, duha ka R4 rifles, usa ka AK-47, tulo ka M16 rifles, usa ka caliber 45 pistol, nagkadaiyang bala, mga dokumento ug uban pang gamit pang gubat.